1309. März 9. Oppeln.

Herzog Boleslaw von Oppeln verkauft Falkowitz zur Aussetzung nach deutschem Recht.

In Nomine Domini. Cunctorum perit memoria factorum si non scripture presidio et testium adminiculo fuerint perhonestata. Hinc est quod Nos Boleslaus dei gracia Dux Opoliensis scultetiam in hereditate nostra que Scirczemb nominatur, providia viris Mathie et Domazlao vendidimus, mansum quemlibet pro media marca argenti, in qua villa viginti quinque mansos flamicos agrorum scilicet iure Teutonicali locando populabunt, mansum septimum pro se et suis successoribus legitimis perpetuo usurpandum racione locacionis ville pretaxate. Quam hereditatis scultetiam vel dominus Mathias vel Domozlaus ipsorumque posteri cum agricolis ibidem residentibus, cum omnibus nemoribus, boris, silvis, rubetis. mericis, pratis, paludibus. lacubus, piscinis, mellificiis, omnibus venacionibus leporum, capriolarum, castorum, yulpecularum, aliisque omnibus usufructibus iure hereditario perpetuo possidebunt, preter silvam videlicet gagium nostrum quam pro nobis reservamus. Eciam concedimus ut quilibet incola predicte ville mansum habens, unam plactam seu congeriem lignorum sibi faciat ut sculteti de eadem silva annuatim et nihilominus medium fertonem grossorum nobis censuet de eodem: mellificia vero in gagio duo sunt villanorum et scultetorum predictorum. De causis vero iudiciariis ipsi sculteti et eorum successores tercium denarium tollent, et molendinum supra Stobravam ipsis et ipsorum posteris cum piscinis, tabernam liberam molendinum macellum carnium pistrinum edificabunt. Que hereditas est contigua Domarecz ex una parte, ex alia vero domini ducis Glogov. Preterea prefati sculteci cum ipsorum posteris nobis de censu quadraginta urnas mellis solvere tenebuntur annuatim autem fertonem argenti si mel non habebunt pro qualibet urna mellis. Pro decima vero domino Episcopo medium fertonem solvent de manso propter agrorum sterilitatem, sculteti vero et ipsorum posteri suum septimum mansum ab uno usque ad Viginti quinque computando a decima servitutibus et aliis quocunque nomine censeantur scilicet cum omnibus utilitatibus possidebunt liberi. Duodecim etiam hortos in memorata villa idem sculteti liberam habebunt locandi facultatem. Ecclesia similiter si constructa fuerit, duos mansos liberos in prenominata villa Scirzemb obtinebit. In cuius rei evidentiam presentes nostri sigilli munimine fecimus roborari. Actum et datum Opol in dominica qua cantatur Letare. anno domini M° CCC° Nono, presentibus domino Slozeborio milite Boruta, Andrea de Berdzan, Bolko de Cotorz et Johanne notario Curie nostre, cuius manibus hee sunt conscripte.

Aus Böhme's diplomatischen Beiträgen II. 67, wo die Urkunde nach dem Czarnowanze: Original gedruckt ist.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.